It Senioaren Platfoarm (SPL) hat Hindrik van der Meer fan Fûns útnoege de lêste kulturele gearkomste te fersoargjen. Hy hat as muzikant en dichter in spesjaal programma gearstald mei wat er tsjinkaam út de Littenseradielster kultuer sa tusken 1984 en 2018. Sjongenderwize, troch him sels mar ek mei alle besikers, wurdt werom sjoen op it grutte tal doarpslieten dat ús gemeente ryk is, sille gedichten klinke fan dichters sa as bygelyks fan Tiny Mulder (Jellum) en Piter Boersma (Wiuwert), mar ek lietsjes fan Pyt Idzinga (Iens) en Hessel van der Wal (Kûbaerd) lit er hearre. Us lânskip wurdt besongen, der wurde ferhalen ferteld en der komt materiaal út de Iepenloftspullen foarby. Wy ferwachtsje dat alle 29 doarpen op 23 novimber de middeis om twa oere fertsjintwurdige binne yn De Wjukken yn Mantgum.

Plak: Wjukken, Om’e Terp 21, Mantgum
Datum: 23 novimber 2017
Tiid: 14.00 – 16.00
Kosten: € 5,--, incl.kofje as tee
Opjaan: foar 16 novimber 2017
Opjaan kin per e-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Tillefoanysk:058-2501303
b.g.g.058-2501363 (fol = fol)